|
23 December 2011
LUNGSOD NG SORSOGON, (PIA) -– Tiniyak ng pamunuan ng Department of Trade and Industry (DTI) Sorsogon provincial office sa publiko na hindi nila papayagang makalusot ang mapagsamantalang mga negosyante ngayong Pasko at Bagong Taon.
Ito ang inihayag ni DTI Consumer Welfare Desk officer Evelyn Paguio matapos na magsagawa ang kanilang ahensya ng regular na pagsubaybay sa sitwasyon ng halaga ng mga bilihin ngayong panahon ng Pasko at nalalapit na Bagong Taon.
Aniya, hindi sila mag-aatubiling sampahan ng kaso ang sinumang mapapatunayang nananamantala sa mga panahong tulad nito kung saan mataas ang pangangailangan ng mga mamimili.
Muli din niyang pinayuhan ang mga mamimili na maging mapanuri sa pagbili ng mga produkto at tiyaking iisa lang ang makikita nilang price tag ng produkto, dapat din aniyang kung ano ang nakalagay sa price tag ay iyon din ang halagang babayaran nila at dapat ding nakapaloob na sa babayaran ang Value Added Tax (VAT) sa presyo ng produktong binili.
Paliwanag pa niya na dapat na maging maingat ang mga mamimili sa pagpili ng mga produkto at tiyaking de kalidad at hindi ito makakasama sa kanilang kalusugan. At upang makatiyak umano na magandang uri ang produktong mabibili ay hanapin ang Import Commodity Clearance (ICC) sticker sa produkto bilang katiyakan o garantiya na nainspeksyon at pumasa ito sa quality standard test bago ibebenta sa mga pamilihan. (MAL/BAR- PIA Sorsogon)
- 27/02/2012 13:27 - DOLE Bicol releases P.8M for livelihood
- 14/02/2012 15:29 - Pagrasay nin daga sa nagkapirang porsyon kan Albay, nairehistro huli sa raot nin panahon
- 14/02/2012 15:23 - DA pilots Sorsogon with automatic weather stations to enhance agricultural productivity
- 14/02/2012 15:21 - Pneumonia still top killer disease in Bicol – DOH
- 23/12/2011 10:19 - 266 bilanggo bibigyan ng pamaskong regalo
- 23/12/2011 10:18 - NFA, siniguro ang supply ng Iron-fortified rice
- 23/12/2011 10:18 - Elderly at PWDs tumanggap ng tulong mula sa pamahalaang lalawigan
- 23/12/2011 10:17 - Lokal na pamahalaan nagbigay babala ukol sa paggamit ng mga paputok
- 23/12/2011 10:17 - Upgrade ng kalsada sa Masbate kabilang sa DPWH 2012 infra projects
- 23/12/2011 10:16 - PAMANA projects in brgy. Sta. Rosa Sur, Jose Panganiban underway
