|
14 February 2012
LEGAZPI CITY - Padagos nang kinanselar ngunyan na aldaw kan lokal na gobierno kan Albay an klase sa pre-school huli sa padagos na pagbulos kan uran.
Enot digdi, labing ikinahandal kan lokal na gobierno an pangyayari kun sain nairehistro an dakulang volume nin tubig-uran.
Sa record kan Provincial Disaster Risk Reduction & Management Council o PDRRMC kabaing nin pang kabangang bulan an tubig na ibinulos sa provincia sa laog sana nin walong oras.
Huli digdi, tulos na nagpaluwas si Albay Gov. Joey Salceda kan direktiba kun sain temporaryong kanselado an laog kan nasa kindergarten sa bilog na Albay.
Mientras tanto, maabot naman sa 400 ektarya nin paruyan an nalubog sa tubig- baha sa nagkapirang porsyon kan provincia.
Nagkapirang pamilya man an nagtitiner ngunyan sa mga evacuation centers makalihis na mapiritan na mag- evacuar huli sa bigla na paglangkaw kan tubig sa salog.
Sa ibong na lado, ipapadagos ngunyan na aldaw kan DPWH an clearing operations sa nagkapirang tinampo makalihis an mga insidente nin pagrasay nin daga.
Pwede man na magpautob nin forced evacuation kun mapadagos pa an maraot na kamugtakan kan panahon dara kan low pressure area (LPA) sa Pilipinas. (bomboradyo.com)
- 27/02/2012 13:35 - Rape case vs 6 militar, ipigsibog kan complainant matapos makonsesnya; alagad dae pa lusot
- 27/02/2012 13:33 - Militar asin NPA, nagkaengkwentro sa Camarines Sur, 1 lugadan
- 27/02/2012 13:33 - Demolisyon sa CamSur, napano nin tensyon
- 14/02/2012 15:38 - Biyahe kan mga lulunadang pandagat sa Rehiyon Bicol balik normal na
- 14/02/2012 15:35 - No. 5 most wanted person kan Naga City PNP, dakop
- 14/02/2012 15:31 - Residente sa Albay, pig-ebakwar na, serye sa pagbaha nairehistro
- 23/12/2011 10:20 - Contingent kan Army, Naval Forces asin OCD Bicol, nagpasiring sa Mindanao para sa mission
- 21/12/2011 22:02 - 2 most wanted person sa CamSur, arestado
- 21/12/2011 22:00 - 500-K, pipepreparar na kan Naga City para sa mga 'Sendong victims'
- 21/12/2011 21:59 - Mga pangaran kan lugar na namimilgro sa landslide sa Albay, ipinaluwas kan MGB
