|
14 February 2012
LEGAZPI CITY - Pinunan ng iibakwar kan lokal na gobyerno sa tabang kan ipinadarang rescue team kan PDRRMC an nagkapirang mga residente sa Albay.
Ini makalihis na mairehistro an pag-apaw sa nagkapirang salog partikular sa parte kan brgy. Sugcad sa banwaan kan Polangui, Brgy. Maipon sa Guinobatan asin walo pang barangay gikan sa banwaan kan Malinao.
Huli sa makusog na bulos kan tubig, inanod man an nagkapirang mga sand bags matapos na mag over flow an nagkapirang salog sa lugar.
Mientras tanto, nagkapirang dalan man an nadidifisilan ng maagihan pasisiring sa Camarines Sur mantang dakolang kaolangan man an padagos na pagbulos kan uran sa piggigibong clearing operation kan DPWH sa mga lugar kun saen, nairehistro an pagrasay kan daga.
Sa ibong na lado, maabot man sa labi 200 nga residente an ipig-ebakwar huli sa huma nin baha asin landslide sa manlaen-laen na parte kan provincia.
Sa parte kan banwaan nin Malinao, pighahandalan na liwat na malubog sa tubig baha an Balsa elementary school kasabay an pagtaraid pang mga barangay huli sa pag-apaw kan dakolang salog sa lugar kaiba na an ipig-aanod na mga troso gikan sa Mt. Malinao.
Sa prisente, nagtetenir na naka-alerto an PDRRMC, PNP, Coast Guard asin DSWD kasabay kan monitoring sa kamugtakan kan panahon sa mga masunod na oras. (bomboradyo.com)
- 27/02/2012 13:33 - Militar asin NPA, nagkaengkwentro sa Camarines Sur, 1 lugadan
- 27/02/2012 13:33 - Demolisyon sa CamSur, napano nin tensyon
- 14/02/2012 15:38 - Biyahe kan mga lulunadang pandagat sa Rehiyon Bicol balik normal na
- 14/02/2012 15:35 - No. 5 most wanted person kan Naga City PNP, dakop
- 14/02/2012 15:32 - Klase sa pre-school sa Albay, kinanselar huli sa mayong untok na pag-uran
- 23/12/2011 10:20 - Contingent kan Army, Naval Forces asin OCD Bicol, nagpasiring sa Mindanao para sa mission
- 21/12/2011 22:02 - 2 most wanted person sa CamSur, arestado
- 21/12/2011 22:00 - 500-K, pipepreparar na kan Naga City para sa mga 'Sendong victims'
- 21/12/2011 21:59 - Mga pangaran kan lugar na namimilgro sa landslide sa Albay, ipinaluwas kan MGB
- 21/12/2011 21:56 - Brgy. kagawad, binadil gadan sa Masbate
