|
13 December 2011
NAGA CITY - Mawot sana soboot na maggibo nin isyu kan kampo ni dating Presidente Gloria Macapagal-Arroyo asin paluwason sa publiko na sinda an pigpapadipisilan.
Ini an pigtawan-duon ni Department of Interior and Local Government (DILG) Sec. Jesse Robredo kasumpay kan pahayag ni Elena Bautista-Horn, tagapagtaram ni Arroyo na dae sinda inabisuhan dapit sa planong ilulunad an dating lider sa air ambulance para sa paglipat digdi kasudoma sa Veterans Memorial Medical Center (VMMC).
Sa entribista kan Bombo Radyo Naga sa secretario, pinagsabi kaining enot na nindang pigdulok an transfer by air sa mga doktor kan St. Luke's Medical Center asin ipigtao na ninda an impormasyong ini sa kampo ni Arroyo maski na ngani dae ini nadagos.
Dugang pa ni Robredo, mayo sindang pagkukulang sa nagin paglipat sa Pampanga solon huli sa pinagbigyan ninda an kahagadan kaining imbes na sa ambulansya ilunad, sa coaster na sana tanganing magkakaibahan an mga ini hasta sa VMMC.
Katakod kan bagay na iyan, pignigaran man ni Robredo na kabali siya sa mga naghatod ki Arroyo sa VMMC asin pigsabing an responsibilidad sana niya iyu an mamayo sa pag-detain ki CGMA basado naman sa kasuguan kan korte.
Pinagsabi man kaini na trabaho sana an saiyang piggigibo asin dae siya mahilig na mapabali sa media. (Bombo Radyo)
- 23/12/2011 10:20 - Contingent kan Army, Naval Forces asin OCD Bicol, nagpasiring sa Mindanao para sa mission
- 21/12/2011 22:02 - 2 most wanted person sa CamSur, arestado
- 21/12/2011 22:00 - 500-K, pipepreparar na kan Naga City para sa mga 'Sendong victims'
- 21/12/2011 21:59 - Mga pangaran kan lugar na namimilgro sa landslide sa Albay, ipinaluwas kan MGB
- 21/12/2011 21:56 - Brgy. kagawad, binadil gadan sa Masbate
- 13/12/2011 19:28 - 2 Bicol most wanted, arestado sa Albay
- 13/12/2011 19:28 - Kompetisyon sa Batang Pinoy 2011, pormal ng pupunan ngonian na aldaw
- 13/12/2011 19:28 - Riding in tandem, liwat na nag-atake sa Camarines Sur
- 13/12/2011 19:27 - Nagkapirang barangay sa Albay asin Sorsogon, namimiligro sa lahar huli sa maraot na panahon
- 13/12/2011 19:26 - 11 estudyante, lugadan matapos banggaon kan van ang pigsasakayan na tricycle
