|
13 December 2011
NAGA CITY- Rinibong kantedad na naman nin kwarta an nalalay kan mga myembro kan riding in tandem makalihis na mahold-up an mga empleyado kan sarong lending institution sa banwaan kan Nabua sa probinsya kan Camarines Sur.
Segon sa PNP-Nabua, kakahale sana su boot ni Chris Capunga, Branch Manager kan “Simbag sa Pag-asenso Incorporated” kaiba an saiyang empleyadang si May Moran sa BDO-Iriga Branch makalihis magwithdraw nin kwarta kan mangyari an insidente.
Lunad kan sarong motorsiklo, pigbabagtas su boot kan mga biktima an tinampo sa parte kan San Francisco, Nabua kan luway-luway an mga ining sabayan kan duwang dae pa nabibistong mga suspek na sakay man kan sarong motorsiklo.
Pigtutukan su boot kan saro sa mga suspek nin cal. 48 na revolver an duwa asin pwersahan na kinua sa mga ini an sarong bag na may laog na P117, 000 cash, mga tsekeng nagkakantedad P481, 458; P500, 000 asin mga importanteng dokumento kan kompanya.
Pinagpurbaran pa kuta nang bukudon kan mga biktima an mga suspek alagad liwat su boot an mga ining pigtutukan nin badil.
Marurumduman na kasuodma, labi sa sarong milyong man an nalalay kan duwang grupo nin riding in tandem gikan sa saro man na empleyado nin bangko sa syudad nin Naga. (Bombo Radyo)
- 21/12/2011 21:59 - Mga pangaran kan lugar na namimilgro sa landslide sa Albay, ipinaluwas kan MGB
- 21/12/2011 21:56 - Brgy. kagawad, binadil gadan sa Masbate
- 13/12/2011 19:29 - Kampo ni Arroyo, gusto lang magmukhang api - DILG
- 13/12/2011 19:28 - 2 Bicol most wanted, arestado sa Albay
- 13/12/2011 19:28 - Kompetisyon sa Batang Pinoy 2011, pormal ng pupunan ngonian na aldaw
- 13/12/2011 19:27 - Nagkapirang barangay sa Albay asin Sorsogon, namimiligro sa lahar huli sa maraot na panahon
- 13/12/2011 19:26 - 11 estudyante, lugadan matapos banggaon kan van ang pigsasakayan na tricycle
- 13/12/2011 19:25 - Klase sa Albay, suspendido na huli sa makusog na pag-uran
- 25/11/2011 12:04 - Riot, nagbungkaras sa sarong pribadong eskwelahan sa syudad nin Naga; saro lugadan
- 25/11/2011 12:04 - 300 kapulisan, naka full alert na sa pag -abot ni PNoy sa Albay sa inagurasyon kan Climate Change Academy
