2011 Miss Earth candidate, padagos an pag-libot sa Camarines Sur

Written by BPNews Team | 25 November 2011

NAGA CITY - Padagos an isinasagibong pag-ikot ngonian kan mga 15 kandidata kan 2011 Miss Earth sa Naga City.

Nainot ng nabisita kan mga magagayon na daraga an tulong unibersidad sa Camarines Sur kasubagong aga bilang parte kan saindang campus tour tanganing ipaabot an saindang advocay dapait sa rekursos naturales.

Inot kaining binisita an Central Bicol State University of Agriculture, sinundan Unibersidad de Sta. Isabela asin Ateneo de Naga University.

Mientrastanto pinangpi-preparan man ngonian an sarong motorcade sa siyudad kun sain isasagibo pasado alas-2:00 ngonian na hapon.

Nilalaoman na sa nasabing programa an pagruso kan mga taong excited man na mahiling an magagayon na kandidat na nagpupuon pa sa nasyong Bolivia, El Salvador, England, France, Belgium, Belize, Czech Republic, China, Guadeloupe, Denmark, Ecuador, Ghana, Dominican Republic asin Carucao.

Noodma man naka-schedule na panginot na aktibidad na tree planting na tree planting, fish dispersal asin diskusyon pa man dapit sa kapalibutan sa napiling lugar kan pagaent organizer an San Bernardino sa banwaan kan Calabanga sa probinsiya.