|
07 August 2012
Virac, Catanduanes - Matapos madiskubre ng DENR ang tambak na narra lumber sa lupa na pag -aari umano ni Punong Barangay Zaldy Idanan ng Caramoran at sa hindi masupil na pag transport ng mga retasong kahoy, nagdeklara ng all out war si OIC Luvimindo Chioko upang ipakitang seryoso sila sa kampanya kontra illegal logging.
Nitong ika-23 ng Hulyo nagpatawag ng presscon ang CENRO-PENRO upang ihayag ang kanilang saloobin hinggil sa patuloy na illegal na aktibidad sa kabundokan partikular sa bayan ng Caramoran.
Makailang beses na rin umano nila pinatawag ang ilang barangay officials para sa hearing subalit walang sumipot kahit isa. Ayon kay OIC Chioko maging sa oras sana ng operasyon ng DENR humingi sana sila ng asistensiya sa mga barangay officials ng Supang at iba pang katabing barangay subalit walang isa man lang na sumama sa kanila.
Magpapatawag pa umano sila ulit sa mga ito bago sila gagawa ng legal na hakbang laban sa mga barangay officials.
Maging ang mga pampublikong sasakyan na kinakargahan madalas ng mga kahoy o mga saku-saku na uling sinulatan narin nila na wag na itong ikarga pa.
Para umano mas lalo pang lumakas ang kampanya laban sa illegal logging muling magpapatawag ng meeting si PENRO Joquin Guerero sa Task force illegal logging bago matapos ang buwan ng Hulyo. (MS)
- 07/08/2012 22:34 - 9.5 grado ng Bise Gobernador sa SONA ni P-noy
- 07/08/2012 22:33 - Top list drug pusher arestado sa buy bust.
- 07/08/2012 22:33 - Nagkunwaring menor de edad tiklo sa pagnanakaw
- 07/08/2012 22:32 - Mahigit 3,000.00 board feet narra lumber,kinumpiska
- 07/08/2012 22:32 - 91st foundation ng Panganiban, dagsa ng mga balikbayan
- 07/08/2012 22:26 - Ekipahe ng ERR construction, kinumpiska ng alkalde
- 07/08/2012 22:25 - Mayor Abundo bumaba na sa pwesto
- 07/08/2012 22:25 - Vice Gov. Teves, hindi pa tiyak kung ano ang target sa darating na eleksyon
- 07/08/2012 22:25 - Succesor ni Mayor Abundo, lilipat na sa Liberal Party
- 07/08/2012 22:24 - CSC conversion, lusot na sa senado
