Written by BPNews Team | 04 April 2011

Nabubuktak ngonian sa kontrobersiya ang FICELCO board nin huli sa inaprubahang resolusyon pabor sa extension kan saindang termino sundo sa 2015.

Nagpahayag na nin pagkontra ang Sangguniang Panlalawigan sa soboot self serving na lakdang para sa pagpapalawig kan termino kan mga board.

Ang Catanduanes Consumers Association mapadara man soboot ning opposition tanganing ulangon sa National Electrification Administration (NEA) ang sinabi ng lakdang.

Nabulaga ang mga concern groups nin huli ta gare ngonian sana mangyayari ang sinabi ng sistema sa halawig na panahon na pagreynar kan kooperatiba.

Dapat isipon kan mga board na kung igwa sinda nin marhay na kaisipan asin misyon sa kooperatiba, bako man sinda unique individual tanganing makaisip nin kaisipan tanganing mapagayon ang manihamiento. Dai man nin monopoliya sa kaisipan, kundi ang kaipuhan iyo ang kaisipan na makatabang asin bakong makatabag, Produktibo asin bakong perming kabig ki produkto.

************

Marikas na naipasar sa kongreso ang bill para sa conversion kan Catanduanes State Colleges para maging Universidad. Tapos na sa House of Representatives, alagad kaipuhan na maipasar man ini sa senado tanganing tanganing dagus ng mapirmahan kan presidente para maging leye.

Lugod kung gurano karikas ang pagkakalusot sa kongreso, iyo man dapat sa senado.

Dakol ning mga bicolano senators ang dapat ingganyaron ni kongresman Sarmiento. Kairiba diyan si senador Escudero, Joker Arroyo, Gringo Honasan, Trillanes, asin ang mga nakaayon sa bicol dahil sa mga agom ninda Franklin Drilon, Alan Cayetano asin dakul pang iba.

Ang worry sana kan nagkakapira kung ano ang magiging implikasyon sa tution fees kung dagus ng maaprubahan ang conversion.

************

Dakula ang bentahe kan barangay assembly sa lado kan mga konstituentes tanganing maaraman kung ano ang nangyayari sa barangay. Parte ini kan programang transparency tanganing bako sana sa nagkakapira naaraman ang transaction sa mga programa asin proyektos kan konseho basado sa local autonomy.

Ang local autonomy minatau nin otoridad sa konseho tanganing maging responsable ang mga elehidong opisyal sa pagdisburse asin pag-alokar sa mga tangible projects asin bako sana sa kapritsu kan nagkakapira.

Dakula ang partisipasyon kan mga residente na tanganing magkaigwa nin check and balances tanganing maanticiparan ang posibleng kurapsyon kan mga pondo na pinagkatiwala sa barangay.

Dai ning rason tanganing mag-grangay ang konseho sa pagkwestyon kan mga nalalabuan kung bakong klarado ang paliwanag.

Sana obligaron man ang mga alkalde sundo sa gobernador asin kongresista na magreport, regularly bako sana in general principle kundi ang accounting kan milyones na kwarta na saindang pinapadalagan sa mga programa y proyekto sa saindang nasasakupan for the sake of transparency.

*****************

Congratulations sa batch 2011 graduates! Happy graduation mga KAPERYODIKO!