Written by BPNews Team | 26 February 2011

Nakaulay ta personal si OIC GM ng FICELCO manongod sa palpak na suplay nin kuryente. Segun sa saiya, parte soboot ini kan bagong sistema na igwa na nin maabot sa tolong power producers na iyo ang minasuplay nin kuryente.

Kung nasa peak hour pano soboot, kaipuhan ang suporta kan mga IPPs na ini kung kaya sa paglipat o inaapod na synchronization, duman nagkakaigwa nin pagpalsok. Apisar kani, aminado sinda na luma na ang ibang mga linya nin FICELCO pero, kan Biyernes na nakaulay ta, nadeterminaran na soboot kung ano talaga ang technical problem.

Igwa man soboot nin kaparehong circumancia sa nakalipas na mga taon kung saen kan ilipat sa Catanduanes ang mga generators kan Napocor, monark asin iba pa, arog kani ang sitwasyon. Segun sa saiya, sinda man sabot sa bagay na ini lalo na pigaputakti sinda nin reklamo.

Nag-apelar ini sa publiko na pigagibo soboot ninda ang gabos na medyos. Dapat ayuson ni GM na mapadali ta tibaad siya ang malaag sa alanganin arog kan mga nangyari sa nakalipas na nagkarapot sa FICELCO.

***************

Kung naghuhuna ang nagkapirang mga kababayan ta na posibleng maapektaran ang mga nasa palibut na negosyante sa ipapatugdok na Mall, sala ang perception na ini.

Ang naturalesa nin mga consumers, kung bago tinatawo, alagad ang magayon na epekto kani nin huli ta madakul ang tawo sa mall, ang mga nasa palibut mabebenipisyaran man ta pakahale kan mga iyan sa mall, siguradong papunta yan sa mga department stores sa palibut. Kung kaito 50 sana ang napapasyar sa sinabi ng lugar aabuton ini nin 200 pataas nin huli sa attraction kan establisimiento plus pa ang pagbugtak kan Jollibee asin Mang-Inasat etc.

Haloy ta ng piga-arang ang arog kaning proyekto nin huli ta saro yan sa mga maka-atrakar nin investors. Alagad kaipuhan man ang anticipation digdi kan lokal na govierno. Kaipuhan ang mga aktibidades tanganing dakul nin magdagsa na tawo asin dai man malugi ang mga negosyante na malaog sa sinabi ng mall.

**************

Gurano katotoo na mismong sa election kan student council sa Catanduanes State Colleges nagkaigwa na man nin barakalan? Igwa soboot na pinagtaong sardinas etc.? Kung siring mas magiging malala sa masunod na mga panahon ang pulitika sa Catanduanes. Maging student leaders na dapat nasa marhay na direksyon nadigtaan na man nin maraot na estratihiya sa pulitika.