Gentle touch

Written by BPNews Team | 19 November 2010

Nag-abot sa probinsya nin Catanduanes ang Secretary General ng TESDA. Segun sa opisyal, dakul sinda nin mga nakalinyadang programa tanganing mas mapakusog ang technical education sa Pinas. Sa Catanduanes, poon kan mag-asumir komo administrator si Mr. Tuboro grabe ang pagbabago na naheling kan mga habitantes. Dai ta matatawadan ang higos ni Sir Pedio kaya, grasya sa pagheling kan iba ang pagkakadesignar kasi komo pamayo kan Cabugao TESDA.

Si Sec. Villanueva ang pinakaenot na sekretaryo na nagbisita sa Catanduanes poon kan mag-asumir ang administrasyon ni P-Noy. Ang hapot kung nuarin man soboot mapaheling sa Catanduanes ang dati kutang boybig ni konsehala Soledad. Sayang na dai nadagus ang nakakakilig kutang lovelife kan duwa. Pinagbabana-bana kutang dakula ang magiging mihuras kan Catanduanes nin huli ta harani sa dapog ang opisyal. Ang siste gare napurnada mga migoy. Gurano katotoo ang tsismis na kan haputon soboot kung ano ang pinaka-memorable moment sa buhay ni Shalani kan mag-on pa sinda ni P-Noy?, ang simbag daw ni Ate Shalani, holding hands lang daw..hehe. Hanggang duman sana? Very gentlemen talaga ang satong presidente. Gentle touch. Baka kasi ma-touch de net.

***********

Dakul nin naghahanap kung talagang malalawos pa ang balak na ma-invest sa Catanduanes ang LCC. Gare naglipot na pano ang urulay manongod sa bagay na ini. Dakul panong na-excite na magkakaigwa na man nin dakulang pasyaran sa Virac. Ang suwestyon ko diyan, kung kaya man sana kan mga taga Catanduanes na iyo ang magpatugdok nin dakulang idepisyo o dakulang mall, mas magayon taga digdi tanganing dai man madehado ang mga negosyante na dati ng nagtatau nin serbisyo sa Catanduanes. Nagdadakula na man baga ang sikat na Century Family Mall kaya posibleng kayang-kaya ng mag-invest sa arog kaning edipisyo.

***********

Igwa nin impormasyon na pinagpadara sato si congressman Cesar Sarmiento manongod sa itutugdok na mga multi-purpose hall sa mga eskwelahan sa masunod na tolong taon kan saiyang termino. Magayon ang pigura asin dakula ang maitatabang kani sa mga masuswerteng lugar na matatawan. Ang medyo reklamo lang kan satong mga kabarangay iyo na sana tawanan man nin lugar na maponduhan ang kaheherak na mga classrooms na pinag-abandonar na matapos ang mga bagyong nag-aragi sato. Dakul kayang mga estudyante na nadidisganar maglaog sa klase nin huli ta apwera kan raraot na mga building grabe pa ang pagal tanganing magkumpunir kan palibut ta puros na alloy ang mga classrooms.

Saro diyan ang limang classroom na na-damage kan panahon pa kan bagyong Rosing, 15 taon na ang nakakagui, alagad dai lamang naheheling kan mga opisyal niato sa munisipyo maging probinsya. Dai ko aram kung nata dai lamang naheheling kan mga opisyal niato sa DepEd govierno provincial.