Honorable

Written by BPNews Team | 11 November 2010

Maraming salamat sa imbitasyon kan DepEd Catanduanes sa saindong lingkod komo saro sa mga resource speakers sa saindang press conference kan nagtalikod na semana. Maogma maging speaker sa atubangan kan mga estudyante. Sinda ang masurunod na henerasyon o promising journalists na makrerar nin gira sa sociodad kung kaya kaipu ninda ang magkakanigong giya sa journalism. Sierto ako na lima sundong sampulong taon, kabale na sinda sa mga bistadong personalidad sa linyada kan media. Naging topic kan saindong lingkod iyo ang newswriting. Three years ago naimbitaran man ako sa topic na broadcasting sa sinabi ng ahensya asin dakulang ondra na ang maging parte kan arog kaning mga programa na naka-share kita kan satong mga experiences sa broadcast maging sa print.

********

Congratulations sa gabos na mga ganador sa katatapos pa sanang Sangguniang Kabataan asin Barangay elections.

Dai ta madedeharan na sa gabos na mga nanggarana, ang premerong hapot saindo, pira man ang ipinanaltag na kwarta? 99% sa mga naglutsada kan saindang kandidatura nagdependir sa bulsa asin bako sa kwalipikasyon o kakayahan na maging leader sa mga barangay. Dakul ning mga frustrated, alagad segun sa mga gurangan na sa pulitika, kung gusto mo soboot na maging ganador sa masunod na eleksyon, you have to dance with the music. Anyway, what is three years? Marikas ang panahon, ang importante naaraman mo ang saindong kapasidad sa tunay na sistema asin kung ano ang dapat na estratihiya sa politika. Better luck next time sa mga dai pinalad.

Agyat sa mga maturukaw, maging top performing public officials asin dai maging kabala sa committee de silencio. Ang importante, yaon saindo ang deber o bola tanganing ipaheling na bako sana kamo nagdependir sa PLATA kundi sa PORMA kan saindong kapasidad na maging ama o lehislador kan saindong sadiring barangay. Halawig ang tolong taon sa mga non-performing leaders, alagad halipot man sa mga great performers. Igwa akong nabaretaan na dawa dikit o dai nagtao nin kwarta, nakalusot pa. Boot sabihon, bako gabos na oras kwarta ang pinagsasamba kan mga elector kundi ang KUMPIYANSA (trust). Public office is a public trust. Remember, you are accountable to the people at all times. Bilang mga serbidor 27/7 ang saindong serbisyo sa barangay.

Kaidto ang mga barangay officials, dai man ning gratipikasyon sa kaibong kan kapagalan sa trabaho kung kaya daing mina-interes na magkandidato. Kadaklan sa mga magurangon ta ang perming natutukahan sa pinag-aaragawa na pwesto ngonian. Nin huli sa inobasyon kan satong ley, harus gabos ng mga residente kan barangay ngonian, gusto ng maglutsada nin huli sa double H. Apwera sa pagiging Honorable igwa pang Honorarium. Good luck!