Showcase

Written by BPNews Team | 08 May 2013

For the next three years, for sure, may bago kitang alkalde sa munisipyo nin Virac. Ingkaso si Mayoralty Naneth Alberto ang manggana, historical sa Virac ang magkaigwa ni babaeng alkalde. Another history man kung si Mayoralty Manny Tablizo ang pilion kan Viracnon, hale sa pagiging simpleng vendor sa merkado pasisiring sa renda kan ehekutibo.

Si Manny Tablizo, bistado man sa pagiging vigilant kontra sa mga polisiya kan local na govierno na saiyang pinag-expose sa mga nagtalikod na taon, mantang si Alberto, bistado sa pagiging marhay na esposa ni incumbent mayor Jose Alberto. Sinda parehong dai pang identity o gira sa pagheling kan publiko.

Sa parte nin Mayoralty Naneth, nin huli ta naheling na kan tawo kung ano ang sistema kan pagmanehar ni incumbent na saiyang esposo, posibleng iyo man ini ang magiging ladawan kan administrasyon kung pipilion kan Virac, alagad si mayoralty Manny, totally bago sa pagheling kan tawo.

Pagirumdom sa mga Viracnon, ang Virac iyo ang capital town kan probinsya, iyo man ini ang showcase kan bilog na Catanduanes. Kung ano ang sistema kan pagmanehar kan gabos na aspeto sa panggogovierno kan mga nakatukaw sa renda kan govierno nin Virac, iyo ini ang presumption na reflection kan bilog na Catanduanes.

We expect an extra-ordinary local chief executive and legislative body to discover and innovate the economic and tourism potentials of Virac.

Sa ngonian, dakul pang dapat trabahuhon kan LGU, arog kan sistema nin parking kan mga awto asin motorsiklo, ang central terminal na sundo ngonian mantinidong nasa plano kan probinsya asin munisipyo, tourist spots na sundo ngonian daing na-aaydentipikar ang Virac. Gabos na ini ang dapat isabay sa mga plataporma kan mga nag-aaspirar na mawot maging serbidor kan publiko sa maabot na tolong taon.

**************

Next to Virac, ang banwaan nin San Andres ang saro sa dakula ang potential kung ekonomiya asin turismo sa probinsya ang pag-uurulayan.

Gateway to Virac or Catanduanes ang sinabi ng banwaan, alagad mantinido man na turog sa sinabi ng mga aspeto.

Pareho kan Virac, advantage kumpara sa iba pang mg munisipyo kan probinsya, alagad dai kitang naheheling na dakulang pagbabago, apwera kan renobasyon kan pier asin covered court.

Maikukunisderar na food basket nin Catanduanes ang San Andres huli sa mahiwas na tanuman nin paroy asin iba pang mga gugulayon. Very strategic ang lugar, alagad stagnant ang economic situation. Dakul nin mga tourism potentials, pero, dai pa masyadong napapayaman tanganing maging income generating kan local na govierno.

Saro diyan ang barangay Codon na entry asin exit point kan Catanduanes pasiringon sa Caramoan peninsula. Basado sa impormasyon, dakul ng nag-iincome na mga maysadiri nin bancang de motor kan mga domestic tourists papunta sa Caramoan, alagad, daing regulasyon. Kaipu digdi ang komprehensibong plano asin intervention kan local na govierno kan San Andres tanganing mas lalo pang maging produktibo bilang access kan mga taga Catanduanes pasiringon sa luwas asin access kan mga gustong magpasiring sa probinsya o island hopping.

Effective legislation asin proper program and project execution, maabot ang panahon na mas mabibistong marhay ang San andres kaysa sa Virac kung makakakua nin lider na dedikado sa public service asin bako sa self-service.

***************

Nagkirang aldaw na sana, yaon na sa satuyang kamot ang desisyon para sa mandatong itatau ta sa masunod na tolong taon. Sa guiraray, ang pagirumdum ta na maging madunong sa pagpili sa kung siisay ang mga tatawan nin bendisyon sa mga pwesto poon sa doseng senador sundo sa Sangguniang bayan. For sure, mabaha na naman nin kwarta, mas magayon maging muklat kita sa pag-analisar kung siisay ang may karapatan na satong maging suruguon asin bakong maging bossing ta sa maabot na tolong taon.

Dai makonsensya sa kwarta, kundi makonsensya sa satuyang sadiring puturo sa tanganing makapamili nin tunay na maserbi sato asin matau nin tamang direksyon sa aspeto kan marhay na padalagan kan govierno local asin national.