Cocolife

Written by BPNews Team | 06 October 2011

Igwang bubuksan na Coco Water Plant sa Pili, Camarines Sur sa masunod na taon.

Nagkaigwa na nin groundbreaking asin magiging operational sa 2012 na dakula ang magiging tabang sa rehiyon na saro sa kunsideradong producer nin niyog sa rehiyon.

Ini ang kaenot-enoting industriya sa Bicol na matugdok nin Coco water-tetra packing plant na magibo nin Vita Coco , sarong fastest growing beverage company sa US, na kasosyo ang local na kompanyang AgriNurture Inc. (ANI)

Singko milyones dolyares ang kantidad kan itutugdok na planta para sa tetra-packing facility para sa local consumption asin pang export na coco water asin igwa nin dugang na pondo para sa large-scale planting ning coconut trees para sa masunod na taon. Ang Vita coco ang 100 percent natural coconut water na pinaglalaoman na mapaangat sa ekonomiya kan rehiyon.

Sa presente, palubog na ang industriya nin niyog sa Bicol, dara kan naging alternatibo ining pansalida sa mga pangkana sa construction nin mga harong asin mga edipisyo ta bakong mahigpit ang pagputol, kumpara sa narra asin iba pang mga kahoy na dinadakop kan mga law enforcers.

Dakula ang significante kan NIYOG sa buhay nin mga pilipino asin inaapod ining "tree of life".

Apisar kan produksyon dakula man ang tabang kani sa proteksyon nin komunidad, partkular sa panahon nin mga kalamidad.

Kung aanalisaron mo, daing sayang poon sa gamot sundo sa dahon asin bunga kan niyog, alagad napapasipara nin huli sa kakulangan nin advocacy kan mga ahensyas de govierno na iyo ang derektamenteng imbwelto sa pagpromotir kaini.

Haen na ang mga insentibo sa mga paraoma tanganing padakulon ang pagtanom asin produksyon. Dapat tawan nin govierno nin subsidy ang mga paraoma tanganing liwat na buhayon produksyon kaini sa bilog na rehiyon.