Biyaheng Catandungan

FB-EYE
Typography

Magkakaigwa na nin kasimbagan ang haloy ng pangarap kan mga Catandunganon na magdakul ang investors sa transportasyon paluwas asin palaog sa isla.

Basado sa pinakahuring impormasyon, dagdag na tolong biyahe ang mabukas sa San Andres asin Virac vice versa sa paagui kan bagong shipping line. Igwa na nin nakatalaan na hearing sa masunod na bulan ang MARINA tanganing pormal na ipasairarom sa proseso ang dagdag na biyahe.


Basado kaya sa mga negosyante, madyo kulang talaga ang biyahe apisar pa kan duration kan biyahe kung kaya harus nasasakitan ang mga negosyante na mag gamble kan saindang negosyo sa probinsya.
Kung arog na kaini kadali tanganing pasyaran ang Catanduanes, mas magiging bongga ang negosyo sa isla asin madakul ang domestic asin foreign tourists.

Dakulang bentahe sa lado kan mga biyahero kung igwa nin marhay na kompetisyon. In fairness, as of this time, magayon na ang serbisyo kan Regina Shipping line, kumpara sa mga nagtalikod na mga taon na nagpopoon poon pa sana ang roll on roll off sa isla. Sa ginibong upgrading kan mga barko kan Calixta, naging convenient na ang biyahe.

Sa paglaog ngonian kan Silangan Shipping Line, saro sa offer iyo ang pinadaling oras asin pinaglalaoman ta na mas magiging convenient pang marhay ang transportasyon pabor sa mga biyahero. Sabi nga, abot kamay na ang mainland sa pagdagdag na biyahe sa iba pang oras.

**********

Apisar kan mga barko, logod madagdagan pa ang biyahe kan eroplano na iyo ang saro sa pinaka-epektibong manner ning transportasyon. Sa mga nagmamadali sa oras asin habo sa haloy na biyahe orog na sa barko, dakula ang naitataong tabang kan eroplano.

Kung maiinkaminar pa kan local na govierno ang iba pang airline company, dakulang boast ini sa lado kan economic asin tourism potentials kan Catanduanes.

Apisar kaini, laom ta man ang intervention kan local na govierno sa problema ta sa communication maging ang problema sa mabagal na internet.